• 29 MAI 14

    EAJk babesa eman die Orona eta Mondragon Unibertsitateari

    Buruntzaldeako EAJko hainbat ordezkari Hernanin izan ziren larunbatean, Oronak eta Mondragon Unibertsitateak Galarretan eraiki dituzten instalakuntza berriak bisitatzen. Astigarraga, Lasarte, Andoain eta Hernaniko zinegotzi jeltzaleek babesa eman nahi izan zieten bisita honen bidez Orona eta Mondragon Unibertsitateari.

    Bisita amaitu ostean, EAJko ordezkariek esker ona adierazi zieten Orona eta Mondragon Unibertsitateari Hernaniren alde egindako apustuarengatik. Izan ere, ziur dira instalakuntza berriek, bai eta bertan garatuko diren ikerketek, onura ikaragarria ekarriko diotela eskualdeari. Horrez gain, proiektu honek ingurumenaren aldetik izango duen interesa ere nabarmendu zuten.

    Amaitzeko, enpresa-proiektu honen aldeko babes osoa berretsi zieten arduradunei eta gainerako enpresa eta erakundeei Oronak eta Mondragon Unibertsitateak hartutako bideari ekiteko gonbitea luzatu zieten.