• 26 URT 19
    Gipuzkoako EGIk garapen sozialaren eta ekonomikoaren erdigunean kokatu du berdintasuna

    Gipuzkoako EGIk garapen sozialaren eta ekonomikoaren erdigunean kokatu du berdintasuna

    EAJko gazteentzat emakumeen eta gizonen arteko “berdintasun erreal eta eraginkorra lortzea da gizarteak duen erronkarik handienetako bat”. Hala azaldu dute gaur, maiatzean hasi zuten formazioa ixteko Beasainen egin duten ekitaldian. Taldearen izaera feminista aldarrikatzen duen manifestuaren bidez, Gipuzkoako Euzko Gaztedik gazteen konpromiso pertsonalean jarri du indarra. “Genero-ikuspegia bizitzaren alor guztietan aplikatu behar da berdintasunak planteatzen dituen erronkei aurre egiteko”, Leire Miranda, EGIko kideak, adierazi duenez. Berdintasuna “giza garapen iraunkorraren bidean apustu estrategikoa” da gazte-erakundearentzat, hain zuzen, “berdintasunaren aldeko apustua gizarte ongizatearen aldeko apustua” delako, “bai sozialki eta baita ekonomikoki ere”, Mirandaren hitzetan.

    Izaera feministaren aldarrikapena

    Gipuzkoako EGIko kideek berdintasunaren arloko adituekin eta arduradun politikoekin hainbat lansaio egin dituzte iazko maiatzetik abendura bitartean. Parte hartu dutenen artean daude Izaskun Landaida Emakundeko zuzendaria, Maria Eugenia Iparragirre senataria ala Miren Elgarresta, Gipuzkoako Foru Aldundiaren Berdintasunerako Organoaren zuzendaria. Legeria, lan arloa, hezkuntza eta familia ala emakumeen kontrako indarkeria bezalako gaien inguruko formazioa jaso dute gazteek eta hausnarketa egin eta gero, landutako ondorioak kaleratu dituzte Beasaingo itxiera saioan.

    Gipuzkoako EGIk, hala, gazte taldearen “izaera feminista” aldarrikatu du gaurko ekitaldian. Feminismoa “humanismoarekin eta gizonen eta emakumeen arteko berdintasunarekin“ lotuz, EGIko kideek “gure gizartean errotuta dagoen eredu patriarkal eta matxistaren aurka” egiteko konpromisoa berretsi dute.

    Beasaingo Jose Miguel Barandiaran plazan egin dute manifestuaren irakurketa eta azken solasaldi bat ere antolatu dute unibertsitate, enpresa, kirol eta kultura munduko emakumeekin Igartza jauregian. Izaskun Landaida (Emakunde), Nekane Arzallus (Gipuzkoa Basket Club), Idoia Fernandez (UPV/EHU) eta Maite Garmendia (enpresaria) izan dira azken solasaldiaren parte-hartzaileak.

    Gehiago irakurri →
    • 12 AZA 16
    EGI Gipuzkoak bakeari eta elkarbizitzari buruzko jardunaldien ondorioak aurkeztu ditu

    EGI Gipuzkoak bakeari eta elkarbizitzari buruzko jardunaldien ondorioak aurkeztu ditu

    Gipuzkoako EAJko gazteek bideo batean bildu dute bakea eta elkarbizitzari buruzko jardunaldietan egindako lana eta gaur aurkeztu dute Antiguako Olarain ikastetxean.

    Bertan azaldu dutenez, “gure herrian burutzen ari den bakerako eta elkarbizitzarako prozesuarekiko gazteen konpromisoa eta partaidetza bultzatzea izan da egitasmo horren helburua”. Xede horrekin, azken hilabete hauetan, bost mahai inguru antolatu dituzte Gipuzkoako hainbat herritan, ikuspuntu ezberdinak landu dituztelarik.

    Donostian, erakundeen ikuspuntutik aztertu zen gaia; Hernanin, berriz, biktimei buruz hitz egin zen; presoen gainean aritu ziren Beasainen; Andoainen, Hezkuntza izan zen ardatza; eta Eibarren, azkenik, hedabideen zereginari buruzkoa izan zen.

     “Mahai inguru bakoitzean, bake eta elkarbizitzarako prozesuarekiko lotura duten hainbat eragilek parte hartu dute, baita euskal  gatazka edo gatazken protagonistak izan diren batzuek ere”, adierazi dute. “Horrela, gazteek esperientzia horiek gertutik ezagutzeko aukera izan dugu;  bakea, justizia, erreparazioa, giza baloreak… bezalako kontzeptuen gainean hausnartu eta ikasteko parada izanik gonbidatu eta gazteok elkarrekin”, gaineratu dute. 

    “EGI Gipuzkoak irmo eusten dio jardunaldien helburuari, Herri honetako bakea eta bizikidetza sustatu eta bermatzea”, nabarmendu dute.

    Gipuzkoako EGIkideek egindako lana biltzen duen bideoa ikusteaz gain, Forum antzerki taldeak eskainitako antzezlan interaktiboan parte hartzeko aukera izan dute bertaratu direnek, hori guztia BAKETIK Fundazioaren laguntzari esker.

    Gehiago irakurri →
    • 23 ABE 14
    EGIren San Tomas ELAren alde

    EGIren San Tomas ELAren alde

    Hirugarren urtez, Eusko Gaztedi Indarrak, EGIk,ekimen solidarioa antolatu du San Tomas egunean. Aurtengoan, Esklerosi Amiotrofikoaren (ELA) alde egin dute eta, horretarako, postua jarri dute Donostiako Alde Zaharreko Trinitate enparantzan. Goiz goizetik hasita, txistorra eta edariak saldu dituzte, eta bildutako dirua gaixotasun honen alde lan egiten duen ADELA elkarteari emango diote.

    Hedabideen aurrean ELAren aldeko adierazpenak egin eta familia argazkia atera dute. Bertan izan dira EGIko kideak; Eusko Legebiltzarreko lehendakaria, Bakartxo Tejeria; Donostiako Alkatetzarako EAJren hautagaia, Eneko Goia; eta ADELAKO kideak.

    ELA gaixotasuna ezagunago egiten laguntzeaz gain, EGI kideek jaia eta ekimen solidarioa uztartu nahi zituzten igandeko ekimenarekin. Horregatik, euskal kantu saioa antolatu zuten Trinitate enparantzan eta, arratsaldean, DJ Jon Urbietak musika jarri zuen.

    Aurreko urteetan, Caritasekin eta Angelman Sindromearen alde lan egiten duen elkartearekin  kolaboratu zuten EGIko gazteek, eta lortutako arrakasta ikusita, aurten hain ezaguna egin den ELA gaixotasunaren aldeko kanpainarekin bat egin dute.

    Gehiago irakurri →
    • 22 IRA 14

    Askegunea eta 28 gazte auziperatuak

    Gipuzkoako EGIk uste du iraganeko estatuaren salbuespen neurrien estrategia bati erantzuten diola egindako 28 gazteen epaiketak, Segi erakundeko kide izate hutsa talde armatuko kide izateko egozten delarik. Asko dira prozesuaren

    EGI

    Gehiago irakurri →

EAJ-PNV EGI